Во која насока ќе тргне опозицијата по денешниот Конгрес на СДСМ?
Објавено во: Македонија 02 Октомври, 2016
Социјалдемократскиот сојуз на Македонија денеска ќе го одржи 20-тиот конгрес. На него ќе се обрати претседателот на партијата Зоран Заев кој по работниот дел, ќе ги соопшти и донесените заклучоци и одлуки на делегатите. Освен за форматот на настапот на изборите делегатите на Конгресот на СДСМ, ќе дебатираат и околу планот на СДСМ во однос на итните програмски приоритети кои ќе им бидат презентирани со конкретни рокови.
„Главен акцент ќе ставиме на нашиот план, на нашата програма и приоритети што да се прави во првите шест месеци, што ќе направиме во првите две години. На кој начин конкретните проблеми на граѓаните, невработеност, нискиот животен стандард, слабиот квалитет на живот, на кој начин планираме да ги решаваме“, изјави Шеќеринска, заменик претседател на СДСМ.
Опозиција на 11 декември ќе му се спротистави на Никола Груевски и ВМРО-ДПМНЕ во два блока-здружен опозциски фронт и десница. За ова, според информациите на 24 вести, лидерот на партијата Заев ќе побара поддршка од Конгресот на СДСМ.
Анализите на терен покажале дека сепак десниот блок – во кој би биле партиите на Љубчо Георгиевски, Љубе Бошковски, Стојанче Ангелов, ФРОДЕМ на Јове Кекеновски, ДС на Павле Трајанов подобро и поприродно е на терен да се појават како посебен блок, надвор од фронтот што го создава СДСМ и Зорaн Заев.
Во фронтот пак на СДМС, според, партиски извори освен досегашните партнери, кои најверојатно, според проширувањето на предизборната коалиција ќе изгубат по некое пратеничко место, веќе учество договорила Лилјана Поповска и ДОМ, се преговара и со Левица, додека со Иван Величковски и ЛП, според истите извори се уште нема никаков контакт.
На денешниот конгрес на СДСМ ќе се вклучи и поранешниот претседател на СДСМ кој беше премиер во два мандати и во еден претседател на државата Бранко Црвенковски. Тој јасно и недвосмислено ќе ја даде својата поддршка за новата платформа на партијата која ќе се одреди на овој 20-ти Конгрес.
Можеби ќе ве интересира
СИЛЈАНОВСКА - ДАВКОВА: Стево ми ѕвонел, ама телефонот сум го оставила дома
ОРБАН: Им честитаме на ВМРО-ДПМНЕ, Христијан Мицкоски и Гордана Силјановски-Давкова за заслужената и историска победа
ГОРДАНА СИЛЈАНОВСКА ДАВКОВА ОСВОИ НАД 560 ИЛЈАДИ ГЛАСОВИ, ПЕНДАРОВСКИ БЛИЗУ 252 ИЛЈАДИ - најнови податоци од Државната изборна комисија
ЕВЕ ГИ НАЈНОВИТЕ РЕЗУЛТАТИ ОД ДИК - ВМРО-ДПМНЕ ИМА 58 ПРАТЕНИЦИ, ДУИ 19, СДСМ 18 - Влен е со 13, а Левица и ЗНАМ со по шест
ЕВЕ КОЛКУ ПРАТЕНИЧКИ МЕСТА ОСВОИЈА ПАРТИИТЕ - ДИК СО ПРВИЧНИ РЕЗУЛТАТИ: Први се ВМРО-ДПМНЕ, ВТОРИ СДСМ, А ТРЕТИ ДУИ
АХМЕТИ РЕЧЕ ДЕКА СЕ ВТОРА СИЛА ВО ДРЖАВАТА, НА ЗЕМЈАТА Ѝ ТРЕБА СТАБИЛНОСТ - дали не размислува за заминување во опозиција?
„ЏАБЕ НИ СЕ ЛИЖЕТЕ, СИ ЗНАЕТЕ ЗА СТРЕЛАЊЕТО“ - Апасиев со шега на фејсбук после пресот
„МАКЕДОНИЈА СВРТЕ ДЕСНО, И ТОА ОДЛУЧНО ДЕСНО, ПОСЕБНО ЗАСЛУЖЕН Е И ГРУБИ“ - Жанета Трајковска со став
Никола Димитров: Честито победа, но џабе ако продолжи партизацијата
