ВО НЕЈЗИНАТА БИОГРАФИЈА СТОИ И ДЕКА ЗБОРУВА МАКЕДОНСКИ - Анџела Прајс Агелер е новта амбасадорка на САД во Македонија

Добивај вести на Viber

Новата амбасадорка на САД во Македонија е Анџела Прајс Агелер, која на оваа дипломатска функција ќе ја наследи Кејт Мери Брнз.

Претседателот Џо Бајден номинира нова амбасадорка, а како што соопштија од Белата Куќа, станува збор за дипломатката од кариера Агелер.

-Анџела Прајс Агелер е кандидат за вонреден и ополномоштен амбасадор во РС Македонија, соопштуваат од Белата куќа.

Агелер претходно службувала како заменик-шеф на мисијата во Амбасадата на САД во Исламабад во Пакистан, а пред тоа привремен вршител на должност амбасадор во Пакистан.

Во биографијата на Агелер стои дека порано работела како министерски советник за односи со јавноста во Амбасадата на САД во Париз, Франција; Вршител на должноста главен заменик помошник државен секретар за Бирото за прашања од Јужна и Централна Азија и Канцеларијата на специјалниот претставник за Авганистан и Пакистан во Вашингтон, Д.Ц.; и, заменик помошник државен секретар за печат и јавна дипломатија во Бирото за печат и јавна дипломатија.

Во својата кариера Агелер работела како службеник за односи со јавноста во Американската амбасада во Скопје, Македонија и обавувала други должности во повеќе земји од Азија, Европа и Африка.

Таа дипломирала на Универзитетот во Јута, а наведено е дека зборува француски, македонски и хинди.