„ВО ПРЕГОВОРИ СМЕ ЗА НАБАВКА НА ТЕКОВИРАМАТ И ДИЈАГНОСТИЧКИ КИТОВИ ЗА МАЈМУНСКИТЕ СИПАНИЦИ“: Д-р Мехмедовиќ за следните чекори на КЗБ

Добивај вести на Viber

По денешниот состанок на Комисијата за заразни болести, портпаролот, д-р Злате Мехмедовиќ подетално информираше за следните чекори во однос на новата болест која се шири низ повеќе европски земји, односно мајмунскте сипаници.

„Можам да кажам дека Комисијата покажа загриженост затоа што имаме ширење на мајмунските сипаници во светот и тоа надвор од оние ендемични базени како што е Централна Африка и западна Африка. Светот како и Светската здравствена организација, и сите останати релевантни институции кои што ги следат заразните болести исто покажуваат одреден степен на загриженост во однос на тоа како се шират мајмунските сипаници. Истовремено, би сакал да посочам дека ова не е пропорционално идентично со пандемијата на корона вирусот, но следните наши активности ќе бидат во насока на подготвување на здравствениот систем за евентуална епидемија и на макмунските сипаници. Во однос на дијагностиката и третманот на мајмунските сипаници, речиси сите во Европа се соочуваат со проблеми, бидејќи оваа болест не е карактеристична за ова подрачје. Тому затоа, Институот за Јавно здравје уште во текот на минатата недела стапи во контакт до Светската здравствена организација со цел набават посебни дијагностички титови, како и потребната терапија,а тоа се вакцини и лекот „тековирамат“, истакна на прес-конференцијата д-р Злате Мехмедовиќ.

Во однос на состојбата со корона вирусот, д-р Мехмедовиќ информираше дека ситуацијата е мирна и дека Комисијата за заразни болести денеска препорачала наместо ПЦР тестовите, онаку каде што е потребно, пациентите да бидат тестирани со брзи антигенски тестови за ковид-19. 

А. Б.