ВО ТЕК: Епл претстави два нови Ајфони!

Добивај вести на Viber

Ајфон 6 и Ајфон 6 Плус се двата нови модели на популарниот паметен телефон на Епл, кои се лансираат во овие моменти на пресконференцијата која е во тек. Ајфон 6 е дебел само 6,8 милиметри, а Ајфон 6 плус - 7,1 милиметар. Првиот има екран од 4,7 инчи, а вториот - од 5,5 инчи. И двата модели имаат Ретина ХД екрани - 1334Х750 и 1920Х1080 пиксели. „Ова се најдобрите Ајфони кои некогаш се направени“, рече извршниот директор на Епл, Тим Кук претставувајќи ги телефоните. Тој лансирањето на двата модели го нарече историско за неговата компанија. Освен телефоните, Кук ќе го претстави и новиот производ на Епл - паметниот часовник Ајвоч, за кој се очекува да отвори цел еден нов пазар на часовници со посебни функции. Љубителите на Епл веруваат дека Ајвоч е најдоброто технолошко достигнување кое ќе биде промовирано годинава. Пристигнувањето на новите модели на Ајфон со нетрпение се очекува. Иако тие треба да се најдат во продажба дури кон крајот на месецов, пред најпознатите продавници на Епл во САД уште од сега има луѓе кои нестрпливо чекаат да станат првите сопственици на овие паметни телефони.