ВОЈНИЦИТЕ НА НАТО ВЕЌЕ СЕ ВО УКРАИНА, ПРИЗНА ШЕФОТ НА ПОЛСКАТА ДИПЛОМАТИЈА: Сикорски ја поддржа иницијативата на Макрон
Објавено во: Свет 10 Март, 2024
- Војниците на
НАТО веќе се во Украина. За разлика од некои политичари, нема да ги набројувам
тие земји, рече Сикорски за време на дискусијата по повод 25-годишнината од
приемот на Полска во Алијансата, емитувана на каналот „Сејма РП“ на Јутјуб.
Според него, „напаѓајќи ја Украина, Русија покажа дека е цивилизациски неспособна да ги прифати западните вредности и дека не може мирно да коегзистира со соседите“.
Тој ја поддржа иницијативата на францускиот претседател Емануел Макрон за испраќање војници на НАТО во Украина, наведувајќи дека главната цел е „креативен“ потег што ќе го наруши планираното сценарио на Русија.
„Политико“ објави дека Франција се обидува да изгради воен сојуз на земји кои се подготвени да ги испратат своите вооружени сили во Украина, по цена на продлабочување на конфронтацијата со „повнимателната“ Германија.
Според весникот, повеќето европски земји, вклучително и Германија и Чешка, изјавиле дека не планираат да испраќаат војници во Украина.
ФОТО: EPA-EFE/Piotr Nowak