ВРАБОТЕН ВО ШУМСКА ПОЛИЦИЈА ФАТЕН СО КРАДЕНИ ДРВА - надлежните велат нелегалната трговија со дрво мора да запре

Добивај вести на Viber

Вработен во Шумската полиција нелегално превезувал огревно дрво, и бил фатен од екипи на Министерстовот за земјоделство, шумарство и водостопанство (МЗШВ) при направени контроли. 

Од МЗШВ информира дека лицето било запрено вчера во кратовско Таласманци, од страна на колеги од Шумската полиција заедно со возилото во кое превезувало огревно дрво во количина од 8,70 м3. 

Станува збор за управувано од лице вработено во Шумска полиција за кое по извршена контрола е утврдено дека е со несоодветни исправи и е одземено.

Настанот, како што информираат од МЗШВ, е регистриран вчера во 15:00 часот во м.в. Дупка, с.Таласманци, кратовско.

- При извршената контрола утврдено е дека лицето Ј.М. кое што управувало со возилото е вработено во Шумска полиција Крива Паланка и воедно е со несоодветни исправи, односно на самата испратница како возач на возилото наведено е друго лице со иницијали М.Ј. Од таа причина од страна на Шумската полиција возилото е привремено одземено и е предадено во ЈПНС Кратово до соодветна понатамошна постапка. Против вработеното лице ќе се спроведе постапка, одговорност за ова ќе има - се вели во соопштението од МЗШВ.

Од МЗШВ, порачуваат дека законот е ист за сите и дека одговорност за ова ќе има, како и дека продолжуваат максимално во стопирање на криминалот и нелегалната трговијата со дрво.