Вработен во Управата за матични книги нападнал странка
Објавено во: Македонија 26 Октомври, 2024
Странка пријавил во полиција дека бил нападнат од вработен во Управата за матични книги додека барал услуга, објави МВР.
„На 25.10.2024 во 12.05 часот во СВР Скопје Н.Б.(44) од Скопје пријавил дека околу 11.00 часот во објект на Управата за водење на матичните книги, на подрачјето на Центар, по претходна вербална расправија бил физички нападнат од едно лице вработено во објектот“, пишува во полицискиот билтен
Од МВР единствено додаваат дека се преземаат мерки за расчистување на случајот.