Вработените во Teleperformance наградени со патување во Истанбул, Париз и други вредни награди

Добивај вести на Viber

Teleperformance, глобалниот лидер во обезбедување на услуги за корисничка поддршка, постојано се стреми да ги награди своите вработени за нивната извонредна работа и посветеност. Како дел од својата програма за мотивација, компанијата организираше специјални награди за најдобрите перформери, вклучувајќи патувања во два културни светски града, тротинет и iPad, како признание за нивните достигнувања.

Патување во магичниот Истанбул

Вработените Јетмир Љатифи, Јетон Лесковица, Анкица Штерјова и Филип Мастев, како победници на „Sales Intern Competition,“ беа наградени со патување во фасцинантниот Истанбул. Овој град, кој се протега на два континента, им понуди незаборавно искуство. Тие имаа можност да ги посетат историските знаменитости како величествената Аја Софија и раскошниот Топкапи палат, да се прошетаат низ познатиот Голем Базар, како и да уживаат во крстарењето по Босфор кое нуди уникатен поглед кон прекрасната панорама на градот.

Покрај културните доживувања, тие имаа можност да уживаат во локалните вкусови на турската кујна и го почувствуваа живописниот ритам на градот кој не запира. Како кулминација на патувањето, машкиот дел од тимот го проследи фудбалскиот натпревар на Галатасарај, што беше дополнително уживање за спортските ентузијасти во групата.

Патување во градот на светлината - Париз

Колегите Славе Шошолоски, Наташа Лазевска, Стефани Павловска и Мартин Иванов беа наградени со есенско патување во Париз, градот познат по својата романтична атмосфера и историски знаменитости. Овие вработени, за своите извонредни резултати и континуирана посветеност, добија можност да ги истражат најубавите места на „Градот на светлината“.

Од величествената Ајфелова Кула и шармантните париски улици, до уметничката атмосфера во музејот Лувр и шетањето по Сена – овие колеги ја впија магијата на Париз. Тие се вратија полни со инспирација и позитивна енергија, споделувајќи ги нивните незаборавни моменти со останатите во компанијата.

Награди за индивидуални успеси – тротинет и iPad

Наградите не застануваат тука! Стефан Голубовиќ беше награден со тротинет за неговите исклучителни перформанси и вложен напор во компанијата. Овој подарок не само што е практичен, туку и одраз на неговата брзина и ефикасност во секојдневните задачи.

Дополнително, колегите Рита Ахмети и Едмонд Арифи добија iPad како признание за нивната постојана посветеност и континуирани одлични резултати. Овие подароци ќе им овозможат уште поефикасно да ги завршуваат своите работни обврски, продолжувајќи да ги поставуваат новите стандарди за успех.

Со оваа иницијатива, Teleperformance уште еднаш го покажа својот однос кон своите вработени, каде што трудот, лојалноста и резултатите секогаш се препознаени и вреднувани. Компанијата останува посветена на создавање инспиративна и наградувачка работна средина каде што секој успех се прославува. Teleperformance продолжува да се грижи за своите луѓе и да ја гради културата на успех преку мотивирање и признавање на извонредноста во сè што прават.