ЗА ДА ПРОДОЛЖИ ДИЈАЛОГОТ МЕЃУ ДВЕТЕ ЗЕМЈИ: Руски новинар бара интервју со Бајден

По интервјуто на американскиот претседател Такер Карлсон со рускиот претседател Владимир Путин, рускиот новинар Дмитриј Кисељов бара интервју со американскиот претседател Џо Бајден. 

Генералниот директор на медиумската група „Расија севодња“, Дмитриј Кисељов, изјави дека испратил барање за интервју со американскиот претседател Џозеф Бајден, со цел да се продолжи дијалогот меѓу двете земји. 

Кисељов на ТВ Русија 1 изјави дека испратил барање до Белата куќа за интервју со Бајден за да продолжи дијалогот меѓу земјите по историското интервју со рускиот лидер, пренесува РИА новости.

„Ние веруваме дека нашите земји немаат можност да се слушаат и да се чујат една со друга и веруваме дека претседателот на Руската Федерација Владимир Путин даде достоен пример со тоа што се согласи на интервју наменето за американскиот гледач“, рече Кисељов.

Планирано е интервјуто да биде преведено на странски јазици и дистрибуирано на Телеграмскиот канал на РИА Новости, на веб-страницата Риа и на многубројни медиумски платформи и социјални мрежи на медиумската група, и во Русија и низ целиот свет. Карлсон во февруари беше во Москва за да го интервјуира Путин, а интервјуто беше објавено на 9 февруари. Путин зборуваше за војната во Украина, говореше за историски настани, но и тврдеше дека нема да има глобална војна. 

Инаку, повеќе американски новинари барале интервју со Путин, но тој ги одбил.