Заем од 250 милиони евра за Македонија договорен во Токио

Добивај вести на Viber

Нов заем од 250 милиони евра идната година ќе земе Македонија, а парите ќе се трошат за сите буџетски потреби, изјавил  во Токио министерот за финансии, Зоран Ставрески -Идната година ќе ни бидат на располагање околу 250 милиони евра, дел од нив од Светската банка, а за останатите оваа меѓународна финансиска институција ќе гарантира кај комерцијалните банки за да добиеме подобри услови за позајмување. Парите ќе ги искористиме за финансирање на сите буџетски потреби идната година“, објаснил министерот по средбите со претставниците на Светска банка и ММФ во Токио. Од министерството најавуваат и дека веќе  се крои буџетот заследната година и дека во него голем дел ќе зафатат капиталните инвестиции. -Се уште не се знае колку точно пари од Буџетот за 2013 ќе бидат одвоени за инфраструктурни проекти, меѓутоа Владата ги има предвид сите препораки од извршниот директор на ММФ, Кристин Лагард, за зголемување на капиталните инвестиции. Идната година дефинитивно повеќе пари ќе се вложат во гасификацијата на земјата, изградбата на патничките и железничките коридори, Луково Поле и неколку други големи инфраструктурни објекти“, изјавил Ставрески.