Заев: Десет отсто пратеници се позитивни или во самоизолација заедно со нивни блиски

Добивај вести на Viber

Премиерот Зоран Заев на денешната прес-конференција по седницата на Советот за безбедност кај претседателот Стево пендаровски рече дека го плаши евентуалната нефункционалност во индина на Собранието, затоа што, како што вели тој, во моментов повеќе од 10 отсто од пратениците за позитивни или во самоизолација, или пак нивни блиски се заболени од Ковид-19.

- Мене ме плаши неотворената можност за онлајн работењето на Собранието , иако тоа функционира. Како што имам информации, иако може не се точни, до сега од конституирањето на парламентот па до денес, имаме повеќе од 10 отсто заболени или во самоизолација  членови на Собранието или нивните најблиски, а допрва доаѓа крајот на есента и почетокот на зимата, рече Заев пред медиумите.

Тој рече дека сепак во моментов Собранието функционира и со непосредно работење и дека вчера е донесен, според него, еден од најважните закони за задолжување кај Светската банка, а најави дека за брзо ќе биде изгласан и ребалансот на буџетот во Законодавниот дом.