ЗАГИНА 83-ГОДИШЕН ПЕШАК - жител на Батинци почина откако во него удри патничко возило
Објавено во: Македонија 27 Октомври, 2024
Повозрасен жител на село Батинци синоќа го изгуби животот откако во него удрило патничко возило.
Како што соопштуваат од МВР, вчера вo 19 часот во СВР Скопје, било пријавено дека на крстосницата од регионалниот пат Скопје-ХЕЦ Козјак со ул.„1“ во с.Батинци, скопско, патничко возило „фолксваген голф“ со скопски регистарски ознаки, управувано од А.С.(33) од с.Цветово,скопско, удрило во пешакот Ф.И.(83) од с.Батинци, скопско.
- Во несреќата од здобиените повреди починал Ф.И., а од страна на лекар од Итната медицинска помош била констатирал смрт.
По наредба на јавен обвинител, телото на починатиот е дадено на обдукција. Со телесни повреди се здобил возачот А.С., констатирани во Градската општа болница „Св.Наум Охридски“ во Скопје. Извршен бил увид од јавен обвинител и увидна екипа од СВР Скопје - дополнуваат од МВР.