Заврши распитот на 12-темината за пукотниците и убиството пред седиштето на ДУИ
Објавено во: Македонија 24 Април, 2018
Заврши распитот на 12-те осомничени за вмешаност во пукотниците од 5 април во близина на седиштето на ДУИ во Мала Речица, инцидент кој заврши со убиство на Наип Реџепи од Куманово и уште двајца ранети. Се очекува подоцна да се состави и обвинението.
Инцидентот се случи веднаш по одржувањето на состанокот на кумановскиот разгранок на ДУИ во Мала Речица со лидерот на партијата, Али Ахмети, за надминување на долгогодишните спорови.
Недоразбирањата околу управување со разгранокот на ДУИ во Куманово постојат со години, а во јуни 2015 година, беше убиен кандидатот за претседател на разгранокот, Џемаил Реџепи, познат како командант Шќипоња.