ЗАВРШИ ЗАД РЕШЕТКИ: Уапсен е адвокатот на Навални
Објавено во: Свет 27 Февруари, 2024
Како што објавија руските медиуми, Василиј Дубков, адвокатот на починатиот руски опозициски лидер, Алексеј Навални, бил приведен поради „нарушување на јавниот ред“. По смртта на Навални, Дубков заминал на Арктикот каде Навални бил во затвор.
Руските власти засега не го потврдиле апсењето на Дубков. Во октомври 2023 година, другите адвокати на Навални, Вадим Кобзев, Игор Сергунин и Алексеј Липстер беа уапсени под обвинение за „екстремизам“. Во јануари за истото дело беше обвинета и Олга Михајлова, друга адвокатка на лидерот на опозицијата, која одлучи да остане во егзил. Во 2021 година, руските власти ја забранија антикорупциската фондација предводена од Навални поради „екстремизам“. Телото на опозицискиот лидер беше задржано од затворските власти повеќе од една недела по неговата смрт. Неговата мајка, Људмила Навалнаја, отпатувала во оддалечениот затвор „Поларниот волк“ каде што починал за да го собере неговото тело, придружувана од Дубков. Телото беше предадено на мајка му осум дена по неговата смрт. Таа рече дека властите ја уценувале затоа што сакале нејзиниот син да биде погребан во „тајност“.