ЗДРАВСТВЕНИТЕ ЕКСПЕРТИ ЗА СИНДРОМОТ НА НЕНАДЕЈНА СМРТ OД ШТО ПОЧИНА НАВАЛНИ: Нема никакви претходни знаци за болеста
Објавено во: Свет 17 Февруари, 2024
Еден од лидерите
на руската опозиција Алексеј Навални ненадејно почина во затвор во Сибир, а
неговата смрт поради сомнителни околности стана тема број еден во светот.
Руските власти денеска ја соопштија причината за смртта на Навални. Како што
тврдат, станува збор за „синдром на ненадејна смрт“. Инаку, овој синдром
најчесто ги погодува децата.
Ова изненади многумина, а некои слушнаа за ова за прв пат.
Според Medical News Today, синдромот на ненадејна смрт (SDS) е широк поим што може да опише секоја ненадејна, неочекувана смрт од природни причини. Тоа не е формална состојба или дијагноза и не мора да укажува на одредена медицинска состојба.
Синдромот на ненадејна смрт (SDS-sudden death syndrome) е општ термин за многу биолошки сценарија кои водат до брза и неочекувана смрт. Инволвираната личност често нема или има многу малку предупредувачки знаци на болеста. Дури и по смртта, обдукцијата може да не открие очигледни абнормалности.
Од кардиолошка гледна точка, ненадејната срцева смрт може да настане поради акутен коронарен синдром, а акутниот миокарден инфаркт завршува со срцева смрт во 15-20 проценти од случаите. Имено, ненадејната смрт настанува ненадејно, поради состојба која може да биде вродена, но и стекната во текот на животот доколку се работи за срцев мускул, вели кардиологот проф.д-р Томсилав Костиќ.
Со оглед на тоа дека синдромот на ненадејна смрт се јавува главно кај деца, веста дека Алексеј Навални ненадејно починал од СДС го отвори прашањето кога се јавува кај возрасните.
- Условите кои доведуваат до ненадејна смрт се оние кои доведуваат до слабеење на срцевиот мускул и појава на срцева слабост, односно до срцева слабост - вели професорот Костиќ.
SDS не е формална дијагноза, не постојат универзално дефинирани критериуми за ненадејна смрт.
Сепак, една статија од 2023 година сугерира дека многу експерти ја усвоиле дефиницијата на Светската здравствена организација (СЗО). Се вели дека SDS е ненадејна, неочекувана смрт од природни причини што се јавува во рок од еден час од почетокот на симптомите. Ако не е посведочена, смртта што настапила во рок од 24 часа откако лицето последен пат е видено живо и без симптоми се смета за Синдром на ненадејна смрт“.
ФОТО: EPA-EFE/RUI MINDERICO