ЗЕЛЕНСКИ ГО ПРОГЛАСИ ЗАЛУЖНИ ЗА ХЕРОЈ НА УКРАИНА: За Медведев Сирски е предавник оти бил роден во Русија
Објавено во: Свет 09 Февруари, 2024
Разрешениот врховен командант на украинските вооружени сили, Валериј Залужни е прогласен за Херој на Украина.
Украинскиот претседател Володимир Зеленски, денеска го прогласи Валериј Залужни за херој на Украина, еден ден откако популарниот генерал е сменет од функцијата врховен командант на армијата, пренесува Укринформ.
„За исклучителни лични заслуги во заштитата на државниот суверенитет и територијалниот интегритет на Украина, несебичното служење на украинскиот народ, наредувам: да му се додели титулата Херој на Украина со орденот Златна ѕвезда на генералот Залужни Валери. Федорович“, стои во указот на украинскиот претседател.
Вчера Зеленски го назначи Олександр Сирски за врховен командант на вооружените сили на Украина.
„Успехот на Украина во конфликтот со Русија е условен од постојаните иновации во начинот на водење на војната“, изјави Сирски.
Врховниот руски безбедносен функционер Дмитриј Медведев денеска изјави дека новиот врховен командант на вооружените сили на Украина, роден во Русија, Олександр Сирски, е предавник, а Кремљ рече дека неговото назначување нема да го промени исходот на бојното поле.
фото Фејсбук/Володимир Зеленски