ЗЕЛЕНСКИ, НЕ ТЕ НИШАНЕВМЕ, ДА САКАВМЕ, ЌЕ ПОГОДЕВМЕ: Медведев вели дека Москва немала таква намера
Објавено во: Свет 08 Март, 2024
Русија не ја нападна делегацијата на украинскиот претседател Володимир Зеленски за време на ракетниот напад на пристаништето Одеса.
Ова го изјави заменик-претседателот на Советот за безбедност на Русија, Дмитриј Медведев.
Медведев рече дека Москва ќе ја погодеше целта доколку тоа беше нејзината намера и дека на сите им е очигледно дека немало планиран напад на конвојот, пренесе Ројтерс.
Советникот на претседателот на Украина претходно изјави дека не може да се исклучи дека рускиот ракетен напад врз Одеса бил насочен кон делегацијата на Зеленски и грчкиот премиер Киријакос Мицотакис, кои беа во посета на Украина.
Лидерите ги проверуваа капацитетите за жито во градот на Црното Море кога Русија изврши напад врз пристанишната инфраструктура таму, на што двајцата лидери изјавија дека биле сведоци, пренесе агенцијата.