ЗЕЛЕНСКИ ЗАДОВОЛЕН ЗА ПРЕПОРАКАТА ЗА ОТВОРАЊЕ ПРЕГОВОРИ: Украинците го заслужуваат тоа
Објавено во: Свет 08 Ноември, 2023
Во Киев се задоволни од одлуката на ЕУ за нивните преговори. Украинскиот претседател Володимир Зеленски ја поздрави препораката на Европската комисија за почеток на разговори со Киев за пристапување во ЕУ, опишувајќи го потегот како „вистински чекор во историјата“.
„Украинците го заслужуваат тоа и поради нашата одбрана на европските вредности и поради фактот што дури и во време на целосна војна продолжуваме да ги развиваме нашите државни институции“, нагласи Зеленски.
Претседателката на Европската комисија, Урсула фон дер Лајен, изјави дека ова е историски ден, бидејќи десет години по настаните на Мајдан, Комисијата предлага да се отворат пристапните преговори со Украина и Молдавија.Грузија ќе добие статус на земја кандидат за членство. Жителите на Грузија се среќни поради оваа вест. Претходно, на демонстрации во Тбилиси фотографија од жена која го вее знамето на ЕУ и покрај млазот вода од водените топови кој удира во неа стана вирална.
foto EPA-EFE/SERGEY DOLZHENKO