25 Септември, 2020
0.0302

ЖЕНА ОД ДУЛИЦА ЌЕ ПОЛНИ 101 ГОДИНА: Таа има свој рецепт за долговечност

Објавено во: Македонија 07 Ноември, 2019

Во селото Дулица  на 5 километри од Македонска Каменица живее Пракса Златкова, жената која в петок ќе наполни 101 година, и ќе навлезе во 102-та година од својот живот.

Таа е најстар жител во општината, но сигурно е и меѓу најстарите во земјава. Нејзиниот внук Оливер Стојковски вели дека таа е долговечна затоа што живеела здрав живот на село, јадела здрава храна, се занимавала со земјоделство, и за разлика од денешните генерации кои се изложени на стрес, таа имала поспокоен живот. Родила пет деца, а денес има многу внуци, но и правнуци.

„Ние сме радосни затоа што жената доживеа длабока старост, бидејќи да се живее еден век навистина е реткост, но од староста таа го изгуби видот. Таа секогаш вели дека е долговечна затоа што така ѝ пишал Господ, но во тоа време јадела здрава храна, ништо не било прскано, а не како ние денес младите не можеме без месо и храна полна со маснотии. Работела земјоделска работа, одела на жетва, во тоа време се жнеело рачно, а денес живее од пензијата на сопругот“, вели нејзиниот внук.

Додава дека во селото има уште еден жител, маж кој има над 90 години, а Дулица денес брои околу 120 жители. Стојковски вели дека во семејната лоза претходно немале предок кој доживеал сто години.

„Сакаме и ние да доживееме длабока старост, зошто да не? Но, на тие години човек станува како дете“, додава тој.

Пракса е родена во 1918 година. Лани по повод 100-от роденден на жената беше приредена мала прослава на која присуствуваше и градоначалничката на Општина Македонска Каменица, Соња Стаменкова. Таа на својата најстара сограѓанка тогаш ѝ посака многу здравје и уште многу радости во животот. На нејзината фамилија уште многу причини за славење, со желба да прослават уште многу родендени заедно.

Во Македонија статистиките покажале дека жените живеат подолго од мажите.

Очекуваниот животен век на просечен граѓанин на Македонија е 75,4 години, што е за 5,6 години пократко од жителите на ЕУ кои во просек живеат 81 година, покажува истражување на Еуростат.

Најдолг животен век во Европа, според проценките на Еуростат, се очекува да имаат Швајцарците 83,7 години и Шпанците 83,5 години, а најкраток Бугарите и Литванците 74,9 години.

Од државите во регионот најдолг очекуван животен век имаат Грците 81,5 и Словенците 81,2 години. Просечниот очекуван животен век на граѓаните на Албанија е 78,5, на Црна Гора 76,5, а на Србија 75,7 години.

Сања Атанасовска

фото Општина Македонска Каменица

Можеби ќе ве интересира

Заев: Ќе има одговорност и соодветна казна за бруталноста на полицајците во Битола

Заев: Ќе има одговорност и соодветна казна за бруталноста на полицајците во Битола

Словенечкиот претседател ќе се поклони на гробот на Гоце Делчев

Словенечкиот претседател ќе се поклони на гробот на Гоце Делчев

Каде потфрли здравствениот систем во Македонија: Се чека анализата од клиниките за високата смртност од ковид

Каде потфрли здравствениот систем во Македонија: Се чека анализата од клиниките за високата смртност од ковид

СКЛУЧУВАЊЕТО БРАКОВИ ОСТАНУВА ЗА НЕКОИ ПОДОБРИ ВРЕМИЊА: Поради пандемијата за 70 отсто помалку регистрации

СКЛУЧУВАЊЕТО БРАКОВИ ОСТАНУВА ЗА НЕКОИ ПОДОБРИ ВРЕМИЊА: Поради пандемијата за 70 отсто помалку регистрации

Еден полицаец тешко повреден на главата, друг во стомак - дел од напаѓачите кај Степанци уапсени

Еден полицаец тешко повреден на главата, друг во стомак - дел од напаѓачите кај Степанци уапсени

Земјотрес е почувствуван во Македонија

Земјотрес е почувствуван во Македонија

Мизрахи: Ставот на СДСМ дека сум опасност за европската перспектива е како оној на Хитлер

Мизрахи: Ставот на СДСМ дека сум опасност за европската перспектива е како оној на Хитлер

ФАКТОР НА ДЕНОТ: Каракачанов тврди дека Бугарија ќе каже „не“, денес нови 152 заразени со коронавирусот

ФАКТОР НА ДЕНОТ: Каракачанов тврди дека Бугарија ќе каже „не“, денес нови 152 заразени со коронавирусот

Тв Клан се извини на гостите за „горчливиот вкус”, со кој можеби ја напуштија емисијата

Тв Клан се извини на гостите за „горчливиот вкус”, со кој можеби ја напуштија емисијата