Зендели: Ако измените на Кривичниот законик поминат, сегашната власт ќе може на Груевски да му резервира билет
Објавено во: Македонија 06 Септември, 2023
Груевски без око да му трепне ќе се врати со предложените измени на Кривичниот законик, вели пратеникот Фадил Зендели.
Тој со поддршка од пратениците од Алтернатива, Движњето Беса и Демократското движење денеска го изнесе ставот на овие партии дека со предложените измени на Кривичниот законик ќе се овозможи поранешниот премиер Никола Груевски да се врати во Македонија без „око да му трепне“ и дека, како што рече, со таква цел и се предложени дел од измените кои, како што нагласи, ќе се обидат да ги спречат со поднесување на амандмани.
„Ако измените поминат, сегашната власт ќе може на Груевски да му резервира билет за Скопје и да го пречека со сите почести“, рече Зендели.
Тој потоа објасни детално како Груевски ќе може слободно да се врати во Македонија.
„Груевски се спаси од затвор кога беше осуден на две години затвор за предметот на СЈО 'Тенк'. За предметот 'Титаник' кој е во тек, со сегашниот Кривичен законик може да биде осуден до десет години, ама со новата измена може да се осуди до две или три години затвор. За предметот 'ТНТ' тој е осуден на 9 години затвор. За предметот 'Насилство во Општина Центар' е осуден на 1 година и 6 месеци затвор. Уште нема пресуда за предметот 'Феникс', а предметот 'Талир' се врати на почетокот на постапката. За предметот '27 април' постапката за Груевски е прекината. За предметот 'Талир 2' е осуден на 6 години затвор, а моментално предметот е во Апелациониот суд. Предметот 'Траекторија' е веќе застарен, а за предметот 'Плацеви на Водно' е осуден на 7 години затвор. Меѓутоа, со овие предлог-измени во Кривичниот законик, што ги предлага власта на СДСМ-ДУИ-АА, сите овие казни што му се изречени на Груевски и тие што може да следат, паѓаат во вода. За сите предмети во кои е осуден или му се суди во отсуство, тој може да бара повторување на постапката, додека – а со овие измени на Кривичниот законик – сите предмети во тој случај ќе бидат прогласени за застарени, па така на Груевски, евентуално, може да му се суди само за предметите 'Тенк' и 'Насилство во Општина Центар', кои не предвидуваат казна затвор од повеќе од три години, но со овие трикови и манипулации со правдата, како што знае само триото Ковачевски-Ахмети-Таравари, убедени сме дека ќе успеат да го спасат целосно, па дури и да му платат отштета и да го прогласат за херој“, рече Зендели.
Пратениците на опозицијата се против предложените измени на Кривичниот законик во Собранието, за кои велат дека власта прави уште една злоупотреба при носењето закони со европско знаменце по скратена постапка. Сметаат дека ова е со цел да спаси свои функционери од кривично гонење. Повеќе делови од предложените измените на Кривичниот законик главно се однесуваат на измени на членови кои ги засегаат функционери, службени и одговорни лица во јавни претпријатија и установи, иако во истиот се предлагаат и измени на членови кои се однесуваат на загрозување на животната средина.Можеби ќе ве интересира
ПРЕСТРЕЛКА ВО ЧАИР, МАЖ ИМА ЧЕТИРИ ПРОСТРЕЛНИ РАНИ: Пукано е од автомобил
И ДОЖД И ВЕТЕР, НО ТЕМПЕРАТУРИТЕ НАД 20 СТЕПЕНИ: Детална метео анализа за утре и за следната седмица
ИНЦИДЕНТ ВО АВТОКОМАНДА, АМАДЕУС БЕНД САКАШЕ ДА ГО ПРЕКИНЕ КОНЦЕРТОТ: „Се налутија на тонецот“
МАЛИЌИ СТАНА ПОЧЕСЕН КОНЗУЛ НА МЕКСИКО: Во Скопје е отворен конзулатот за зајакнување на односите меѓу Мексико и Македонија
ПОЧНА РЕКОНСТРУКЦИЈАТА НА ДЕВЕ БАИР: Инвестиција од 1,6 милиони евра за граничниот премин со Бугарија
СТИГНА МЕДИЦИНСКА ПОМОШ ЗА ЛИБАН: Обединетите Арапски Емирати доставија 40 тони лекови и други материјали
„КОНТИ“ СОГОЛЕ И МАКЕДОНСКИ ГРАЃАНИ ЗА ДЕСЕТИЦИ МИЛИОНИ ЕВРА: Администраторот се огради од одговорност, а нема ниту кривична пријава до МВР
ПО ПОЧИНУВАЊЕТО НА БЕБЕТО ДСЗИ ВЛЕГУВА ВО ДЕТСКАТА КЛИНИКА И ВО „КОЗЛЕ“: Имало ли пропусти во лекувањето?
КОНТАМИНИРАНА ВОДАТА ЗА ПИЕЊЕ ВО СТРУМИЦА: АХВ наложи нови мерки за “Комуналец” од Струмица
