Жестока расправа и судир на СЈО со судијката: Основен не памети ваков однос на обвинители
Објавено во: Македонија 22 Февруари, 2017
„Во досегашното 72 годишно постоење на Основниот суд Скопје 1 – Скопје не се памети вакво однесување и непочитување на Јавен обвинител во судница, како кон судот, судската власт така и кон судијата кој ја води постапката како што присутните можеа да го видат на денешното судење по предметот на Јавното обвинителство за гонење кривични дела поврзани и кои приозлегуваат од незаконското следење на коминукациите (СЈО) против 14 обвинети лица за кривичното дело Насилство“, соопштуваат од Основниот суд по повод денешното рочиште за насилствата во Центар а на кое му се судеше на лидерот на ВМОР ДПМНЕ Никола Груевски.
Ова судење денеска беше второ, но и ова се одложи.
Никола Груевски судот го напуштил насмеан откако имало жестоки расправи на јавните обвинителки и судијката Михајлова.
„Судечкиот судија мирно и достоинствено како што доликува на вршител на судската власт, на записник го нотираше секој збор и навреда упатена кон неа лично како судија и судот пред кој се води постапката, при што за ваквото однесување повеќе пати ги опомена јавните обвинителки, како странка во постапката, да се воздржат од навреди и да постапуваат во рамките на професионалната етика. Но и покрај опoмените истите не престанаа да навлегуваат во збор на судијата, да го навредуваат, а со тоа да го нарушуваат редот во судницата и да не дозволат судијата непречено и сконцентрирано да слуша што се зборува во судницата и да го води записникот кој меѓудругото се доставува и до самите обвинители“, посочуваат од Кривичниот суд преку соопштение до јавноста.
Двете јавни обвинителки Катица Јанева и Фатиме Фетаи добија казни од по 2000 евра, а како што пренесоа медиумите тие ја обвиниле судијката дека направила фалсификат на записникот од минатото рочиште за судењето на насилните протести пред општина Центар.
Судскиот процес се однесува на нарачаните шамари за градоначалникот на општина Центар, Андреј Жерновски и насилните протести пред општината.
Од Специјалното јавно обвинителство засега не го коментираат погоре наведеното.Можеби ќе ве интересира
Град Скопје обвинува дека „Дизниленд Реквизити“ незаконско и насилно монтира панорамско тркало: Кој се крие зад чаирската фирма?
ОЈО предложи притвор за осомничениот што си ги уби братот и снаата во Стајковци
За десетина дена би можел да се знае составот на новата влада: Обвинувања за притисоци за решенијата и одлуките за поништеното гласање
Mаксимумот на температурата денес до 29 степени, во Скопје до 27 - но нестабилно: Ова е временската прогноза
ФАКТОР НА ДЕНОТ: Таравари најави дека до петок ќе има конечен договор со ВМРО-ДПМНЕ за формирање Влада
ТАРАВАРИ: Се очекува до петок да се постигне финален договор за формирање на Влада
OJO: Поведена постапка за насилство во училиште во Битола каде маж тепал дете, а жена му ја држела наставничката
Две обвиненија за Мерко, поставувал некомпетентни директори на училишта
