Добивај вести на Viber
Рекордни 322,3 милиони евра во 2013 година ќе бидат префрлени од централниот Буџет во касата на Фондот за пензинско и инвалидско осигурување. Тоа е за 35,5 милиони евра повеќе отколку што за спас на пензискиот систем беа одвоени со годинешниот буџет.
Главната причина за зголемувањето на сумата е најавеното зголемувањето на пензиите од 5 проценти, што треба да се случи во март идната година. Тоа ќе биде напраевено и покрај тоа што министерот за труд и социјала Спиро Ристовски неодамна алармираше дека пензискиот систем е пред колапс, со оглед што сега соодносот вработени/пензионери е 1,7:1, а овој модел може да функционира без проблеми само доколку бројот на вработени е барем три пати поголем од бројот на пензионери.
Инаку, Фондот за ПИОМ в година вкупно за пензии ќе потроши исто така рекордни 808,8 милиони евра. 469 милиони планира да ги обезбеди од придонесите за пензиско осигурување што го плаќаат вработените и уште неколку милиони од продажба на акции и удели во македонските компании.