Жерновски не дава да се гради улица на кеј, Град Скопје реагира – улицата ќе била само пристапна!

Добивај вести на Viber

Повторно се судрија Општина Центар и Град Скопје .

Категорично НЕ вели градоначалникот на Општина Центар Жерновски за најавената изградба на улица на Кејот на Вардар „13 Ноември“, од ГРАД Скопје пак тврдат дека улицата ќе била само пристапна.

Жерновски вчера до Советот доставил одлука со која забранува било какви градежни активности помеѓу реката Вардар, улица „Војвода Васил Аџиларски“, улица „Димитрија Чуповски“, улица „Македонија“, плоштад „Македонија“ и Камен мост.

Сите активности ќе се забранат ако биде усвоена оваа одлука, Жерновски вели дека оваа одлука ја донел бидејќи ваквата улица целосно би го уништила кејот, би го ограничила движењето на граѓаните, и со нејзино градење би изгубиле еден јавен простор, а во исто време би се сменил изгледот и фунционалноста на Градскиот трговски центар и би го изгубиле едно од најубавите шеталишта во Скопје.

Жерновски го повика таткото на градот Трајановски да се откаже од оваа идеја да се гради улица на терасите кај кафулињата на кеј.

[button color="orange" size="medium" link="http://faktor.mk/2015/09/25/novata-ulitsa-na-kej-ke-minuva-megu-terasite-na-kafulinata/" target="blank" ]Новата улица на Кеј ќе минува меѓу терасите на кафулињата[/button]

„Предлагам да отвориме јавна дебата во која ќе ги вклучиме засегнатите страни и заеднички да најдеме прифатливо решение за сите“, вели градоначалникот Жерновски.

Од Град Скопје пак реагираат на изјавата на Жерновски, тврдејќи дека не ја кажувал вистината и со невистини се обидувал да добие ефтини полтички поени.

Тие велат дека планирале изградба на пристапна улица  што ќе се гради на кејот „13 Ноември“, на потегот од улицата Филип Втори Македонски до објектот на Телеком, и истата ќе била со посебен режим .

„Се работи за  пристапна улица, која нема да биде сообраќајна и истата ќе биде уредена од плочки, а не од асвалт или слично на улицата Никола Вапцаров и за истата ќе важи посебен режим за движење на моторните возила, поточно истата ќе биде достапна само за службените возила на Телеком, за достава на роба до околните угостителски објекти, како и за пристап на противпожарните возила и возилата на брза помош, кој и сега се движат по истиот простор“, посочуваат во соопштението до медиумите од Град Скопје.

Од оваа одлука најмногу ќе трпат соппствениците на локалите кои се стационирани на Кејот „13 Ноември“.

Тие се загрижени и револтирани од одлуката на Град Скопје за изградба на надземна улица на Кејот, истакнувајќи дека оваа непромислена одлука ќе значи уништување на познатото скопско шеталиште, ќе го наруши слободното движење во центарот на градот и ќе го обезличи еден од главните симболи на Скопје-Градскиот трговски центар.