Зошто е добро да се работи на брод?

Добивај вести на Viber

Македонците се почесто се одлучуваат да заминат на работа на брод. Се бараат келнери, собарки, луѓе за работа во бар, фотографи, продавачи и друг вид на кадар. Според некои статистики, во 2014 година околу 2000 Македонци работеле на брод. Оние кои веќе биле на брод, велат дека е одлично искуство, можност да се прошета и да се заработи. „Може да се заработат пари, да се прошета без виза, да се запознаат луѓе од цел свет. Пет години бев на брод и најубави места кои сум ги посетила се Ница, Њујорк, Свети Томас. Платите се движат од 500 па до 10.000 долари. Јас бев задоволна и затоа останав пет години„-вели Тања Павловска од Скопје. Работа има за секого, но најмногу се бараат работници за угостителство, велат оние кои веќе работеле. Работењето на брод многу ќе ви помогне да си ја подобрите комуникацијата на англиски јазик. Бродовите се налик на мал град, во кој на палубите и баровите има секаков вид на активности што го привлекуваат вниманието на туристите.