ЗОШТО ЈАКИМОВСКИ ЗАРАБОТИ КРИВИЧНА ПРИЈАВА? Со реакција се огласија и од Карпош
Објавено во: Македонија 04 Октомври, 2024
Полицијата до Обвинителството поднесе кривична пријава против градоначалник на општина Скопје и пет лица вработени во Секторот за урбанизам во истата општина и правно лице од Скопје, поради сомнение дека сториле кривично дело „Злоупотреба на должност и службено овластување“. Станува збор за вработени во општина Карпош и градоначалникот Стевчо Јакимовски.
„Спротивно на Законот за градење и Законот за утврдување на правен статус на бесправно изградени објекти, констатирале дека наводно објектите за спорт и рекреација – тениски игралишта ги исполнуваат условите за нивна легализација, иако таков вид на објекти се времени објекти и не можат да бидат предмет на легализација, по што изготвиле и заедно со пријавениот градоначалник потпишале урбанистичка согласност, а по плаќањето на одредениот данок на имот, изготвиле и потпишале решение за утврдување на правен статус на бесправен објект“, наведуваат од МВР.
Според полицијата, на овој начин му овозможиле на пријавеното правно лице да ги регистрира објектите наводно без дозвола, на вкупна површина од околу 4.000 метри квадратни. Со ова буџетот е оштетен за 2,4 милиони евра.
Се огласија од општината на Јакимовски. Велат дека кривичната пријава е тенденциозна, злонамерна и политички мотивирана.
„Општина Карпош внимателно ја испита легализацијата на спортските објекти во Александар Палас и работата е решена согласно законот. Од општина Карпош категорично тврдат дека легализацијата за овие спортски објекти е законска, бидејќи за се што се издава одобрение за градба се врпи легализација а за истите објекти правното лице Алекснадар Палас има одобрение за градба од Министерството за транспорт и врски, за кое не го спровеле во Катастар“, наведоа од општина Карпош.
Стевче Јакимовски и во 2019 година беше обвинет за злоупотреба на службената положба заедно со уште 10 лица, од кои дел беа вработени во општината.
ЗОШТО ЈАКИМОВСКИ ЗАРАБОТИ КРИВИЧНА ПРИЈАВА? Со реакција се огласија и од Карпош
Можеби ќе ве интересира
ПОЛОВИНА ОД МЕДИЦИНСКИОТ КАДАР НА ДОГОВОР ДОБИВА ТРАЈНА РАБОТА: Таравари ветува решение за долгогодишниот проблем
„НИКОГАШ НЕ ПОБЕДИЛ НА НАТПРЕВАР И НА ИЗБОРИ, А СЕКОГАШ Е ШАМПИОН И НА ВЛАСТ“ - новинарот Фуркан Салиу за Мендух Тачи
ШТО МИСЛИ МЕЏИТИ ЗА ИЗЛЕГУВАЊЕТО НА ТАЧИ ОД ЕВРОПСКИОТ ФРОНТ? Се споија за да опстанат
„СЀ ШТО СУМ ЗАРАБОТИЛ, ОСУМДЕСЕТ ОТСТО ВЛОЖИВ ВО НЕДВИЖНИНИ“: Попов ексклузивно во „Бизнис муабети“ на Фактор
Саша Ристеска од АИТОНИКС: AI решенијата на Dell Technologies им гарантираат на бизнисите недостижна конкурентност
„ЕДЕН ЗАТВОРЕНИК ЈА ЧИНИ ДРЖАВАТА НАД 10 ИЛЈАДИ ЕВРА ГОДИШНО“: Пандов вели се бараат начини за нивно намалување
КОЧО АНЃУШЕВ БЕШЕ СТАВЕН НА „ЦРНА ЛИСТА“ ПО ИНИЦИЈАТИВА МЕЃУ ВМРО и СДСМ - Села за Фокус со интересни детали
„МЕНАЏЕРСТВОТО НОСИ ПАРИ АКО СИ АКТИВЕН“: Горан Попов во најновото издание на „Бизнис муабети“
МИЦКОСКИ ДА КАЖЕ КОЈ Е ПЛАНОТ СО ЕВРОИНТЕГРАЦИИТЕ: Еве што бара Филипче од премиерот
