Добивај вести на Viber
Мнозинството на аеродромските продавници во Обединетото кралство, бараат од патниците да ги скенираат нивните билети на касата, процедура која малкумина сфаќаат за што служи.
На овој начин, продавниците на Аеродромите, враќаат 20% ДДВ од секој производ продаден на патниците, кои летаат надвор од Европа, пишува ,,
The Тelegraph".
Од овој данок, всушност се ослободени потрошувачите, кај кои вредноста од 20% од купениот производ треба да им се врати како заштеда. Но, ретко кој го знае тоа.
Трговците на аеродромите биле обвинети од патници, кои тврдат дека овој надоместок не им е вратен.
,,Предавањето на картата во аеродромските продавници, дури и ако купувате само дневен весник, премина во навика кај купувачите, иако не сите сфаќаат која е причината што продавачите се толку упорни. И не е ни чудно што, најголемите продавници заштедуваат милиони од ДДВ-то секоја година. Но нели треба патниците да ги примат тие заштеди? – прашува потрошувачот Ник Тренд.
Утврдено е дека предавањето на картата при плаќањето е веќе вообичаена практика во сите продавници во аеродромите, иако патниците не се законски обврзани да ја предадат истата.
Статистиката пак, покажува дека 89 % од луѓето не знаеле зошто го чекираат патниот билет на каса. А, на анкетата направена на испитаници откако го прочитале текстот, 85 % одговориле дека повеќе нема тоа да го прават.