Американците соборија историски рекорд: Задолжени до гуша на кредитни картички
Објавено во: Свет 21 Февруари, 2023
Вкупниот долг на домаќинствата надмина 16,9 трилиони долари
Дека кредитните картички се „меч со две острици“ знаат сите кои се „заплеткале“ во ратите или барем еднаш претерале со купувањето и трошењето, а има само неколку на кои тоа никогаш не им се случило.
Работата, логично, станува уште полоша во деновите на криза. Од една страна, луѓето имаат потреба да штедат и да го „стегнат ременот“, но трошоците понекогаш се толку високи – што нивните желби и планови лесно паѓаат во вода.
Така, Американците, според сите проценки, искрено претераа. Долгот на кредитните картички на американските граѓани порасна за речиси трилион долари во четвртиот квартал од 2022 година, објави Банката на федерални резерви на Њујорк во својот квартален извештај за долгот на домаќинствата, објавен во четвртокот, како што пренесе RT.
Според достапните податоци, салдата на кредитните картички на нацијата скокнала за 61 милијарда долари на 986 милијарди долари во последните три месеци од годината, што е рекордно високо ниво во целата историја на „мерењето“ од 1999 година.
Вкупниот долг на домаќинствата во САД надмина 16,9 трилиони долари.
Властите го припишуваат овој пораст на задолжувањето на „тврдоглаво“ високите потрошувачки цени, силната потрошувачка и постојаното зголемување на клучните каматни стапки, кои доведоа до речиси 20% повисоки каматни стапки на кредитните картички.
Забележано е и дека клиентите на банките почесто ги одложуваат отплатите на кредитите, што според мислењето на истражувачот на ФЕД е „загрижувачко“.
Сегашната бројка за салда на кредитни картички е голем пресврт од 2020 година, кога американските потрошувачи го плаќаа својот долг користејќи пари од стимулации - добиени за време на заклучувањето на „Ковид-19“ - и ги намалуваа нивните целокупни трошоци, како што се патувањата, поради пандемијата .
Тоа доведе до намалување на состојбата на кредитните картички на 770 милијарди долари на почетокот на 2021 година, во споредба со 890 милијарди долари во истиот период во 2020 година. Севкупно, долгот на американските кредитни картички порасна за 130 милијарди долари минатата година, што е најголем годишен пораст досега.
Аналитичарите очекуваат Федералните резерви да усвојат уште неколку зголемувања на каматните стапки оваа година, што ќе ги зголеми трошоците за задолжување со кредитни картички.
Фото: unsplash
Извор: телеграф
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
„ЌЕ ГО ТЕСТИРАМЕ ИСКЛУЧИВО ВО БОРБА“, базата во Полска е приоритетна цел на Русија
ГЕРМАНИЈА ИМ ДАВА ПАРИ НА МИГРАНТИТЕ ДА ЈА НАПУШТАТ ЗЕМЈАТА: „Одбиени им се барањата за азил, треба доброволно да заминат“
ДАЛИ ГРЕНЕЛ ЌЕ ЈА ДОБИЕ НАЈЗНАЧАЈНАТА УЛОГА, ПРОТЕКОА ИНФОРМАЦИИ: Најверојатно тој ќе треба да ја „реши“ војната Русија-Украина
СЕВЕРНОКОРЕЈЦИТЕ ПРИСТИГНАА ВО МАРИУПОЛ: Овие војници имаат одвоено сместување, храна, музика и филмови од другите странски трупи
БЛИЗОК СОРАБОТНИК НА СОРОС ЌЕ БИДЕ МИНИСТЕР ЗА ФИНАСИИ НА САД: Ова е човекот што го номинираше Трамп, „Ќе воведеме ново златно доба“
ШЕФОТ НА УКРАИНСКОТО РАЗУЗНАВАЊЕ: „Орешник“ е само шифра, рускиот балистички ракетен систем се вика „КЕДР“
РУСИТЕ ЈА ПРЕДУПРЕДИЛЕ АМЕРИКА ПРЕД ДА НАПАДНАТ СО „ОРЕВОКРШАЧКА“: Испратите автоматска порака 30 минути пред лансирањето
„ИСКУСНА И СТРОГА ЗА КРИМИНАЛ“: Трамп избра атрактивна русокоса за јавен обвинител, не му требаше многу време
