Ангелов: Згрозен сум и револтиран од нечовекот кој ја оштетил спомен - бистата на специјалецот Горан Стојменовиќ
Објавено во: Македонија 03 Август, 2023
Стојанче Ангелов, бранител од 2001 година и актуелен директор на Центарот за управување со кризи (ЦУК) го осуди вандализирањето на споменикот на Горан Стојменовиќ кој загина во немилите настани од Диво Насеље кои се случија во 2015 година.
Споменикот е оштетен на големиот празник Илинден.
„Згрозен сум и силно револтиран од вандализмот на нечовекот кој ја оштетил спомен-бистата на мојот храбар соборец од Тигрите, специјалецот Горан Стојменовиќ, кој загина во борбата со терористите во кумановско Диво Насеље. Очекувам МВР брзо да го открие вандалот за да биде изнесен пред лицето на правдата“, пишува Ангелов на социјалните мрежи.
фото Фејсбук