Апасиев ја искоментира казната за возачот на Бентлито кој влета на плоштад
Објавено во: Македонија 24 Декември, 2020
Претседателот на Левица, Димитар Апасиев на Фејсбук напиша дека казната за возачот на Бентлито кој возеше на плоштадот, треба да биде соодветна на стореното дело.
„Има една анегдота од Римското право во врска со актуелнава казна од неверојатни 45 ЕУР за возачот на Бентлито на плоштад… Еден богат Римјанин севезден си го земал својот роб, на кого му давал едно ќесе монети, и се шеткал на Форумот (градскиот плоштад во Рим) – при што, намерно им мавал ШАМАРИ на римските граѓани кои случајно си поминувале низ градот!? Кога овие, природно, ќе изреагирале, тогаш робот кој го носел ќесето поштено ја плаќал паричната казна на газдата „според законот“ – која, била смешна сума за тоа време“, пишува тој.
Казната од 45 евра за возачот на Бентлито, инаку жител на Арачиново, кој синоќа со голема брзина помина на плоштадот Македонија е изречена во согласност со законските прописи. Министерот за внатрешни работи, Оливер Спасовски не е задоволен од висината на казната, но според него важно е што полицијата брзо го пронашла возачот. Спасовски вели дека за вакви прекршоци треба да има построги казни.