Apple Watch за 349 долари!

Добивај вести на Viber

Apple Watch конечно ѝ беше претставен на јавноста. "Ова е најнапредниот уред за пресметување на времето на сите времиња", изјави Тим Кук. Apple Watch ќе се најде во продажба од 24-ти април по цена од 349 до 10.000 долари! Освен Apple Watch беше претставен и нов Mac Book. Oд Apple додаваат и дека до сега продале повеќе од 700 милиони iPhone паметни телефони. Најновиот член на палетата уреди на американскиот технолошки гигант, конечно беше претставен на конференцијата во Сан Франциско.   Освен што секако ја извршува својата основна функција – пресметување на времето, Apple Watch поседува и грст од други апликации. Тој меѓудругото ќе може да ја проверува временската прогноза и календарот. Во часовникот е вграден и микрофон со чија помош корисниците ќе може да разговараат со своите пријатели. Со iPhone паметниот телефон тој нема да може да комуницира само преку Bluetooth сигнал туку и преку Wi-Fi конекција.   Корисниците ќе можат и да го персонализираат својот уред со внесување на свои податоци и на тој начин ќе може да го нагодат токму кон своите потреби. Со внесувањето на важните датуми, Apple Watch ќе биде и еден вид на паметен потсетник. Опцијата дигитален допир ќе дозволува поврзување помеѓу два часовника и можност едниот да го "допре" другиот преку неговиот Apple Watch така што екранот ќе го допре два пати брзо. Овој паметен часовник е воедно и паметна фитнес бразлетна. Може да ги мери отчукувањата на срцето, да прави извештај за вашата здравствена состојба, но и да биде ваш личен тренер. Уредот може да се нагоди и да го потсетува сопственикот дека на пример премногу долго седи, како и да следи колку сопственикот вежбал во текот на денот. Apple Watch ќе поддржува и голем број на програми и апликации. iOS 8.2 ќе биде на располагање за Apple Watch. Тим Кук вели дека батеријата во просек ќе трае 18 часа. Зависно од типот на бразлетната, Apple Watch ќе чини од 549 до 1.049 долари за часовник со пречник од 38 милиметра. Верзијата со пречник од 42 милиметра ќе чини 50 долари повеќе. Она што во изминативе неколку дена се зборуваше се испостави и дека е вистина. Поскапата, златна верзија, ќе чини неверојатни 10.000 долари!   Apple Watch Sport ќе се продава исто така во две верзии – со пречник од 38 милиметра кој ќе чини 349 долари и верзија од 42 милиметра која ќе чини 399 долари. K.K.