Omega одблиску: вечер без врева, со стил

Добивај вести на Viber

Во претседателскиот апартман на Marriott Скопје, Божиновски организираше ексклузивен настан наменет за членовите на лојалната програма, создаден не за покажување, туку за доживување. Вечер без врева, со внимателно избрана атмосфера што потсетуваше на дом: топлина, мир и луѓе што знаат да забават со стил. Во таков амбиент, Omega беше токму таму каде што припаѓа – блиску, лично и со внимание кон секој детал.

Во овие моменти, часовникот не е предмет што се набљудува од далеку. Се зема во рака, се чувствува неговата тежина, се слуша механизмот. Додека градот останува надвор, времето престанува да брза и почнува да потсетува на вредноста на изборите што ги правиме.

Во фокусот на вечерта беа избрани модели од OMEGA Seamaster Aqua Terra колекцијата, претставени како дел од концептот The Gift of OMEGA. Колекцијата е препознатлива по својата разновидност и баланс меѓу спортска елеганција и софистициран дизајн – часовници создадени да се носат секојдневно, но и да останат релевантни со години.

Со внимателно избран кетеринг и специјални пијалаци, разговорите течеа природно – за механиката, за изработката, за стилот и за изборите што не се прават „денес за денес“, туку за години што доаѓаат. Секој модел беше претставен тивко и достоинствено, како што доликува на бренд што не бара врева за да остави впечаток.

Благодарност до сите што беа дел од вечерта и ја направија токму таква каква што треба да биде: елегантна, интимна и човечка.

Погледнете ја фотогалеријата од настанот.