Добивај вести на Viber
Најмалку 3.700 работни места ќе укине британската банка “Барклис“ оваа година , од кои 1.900 од филијалите во Европа и 1.800 во инвестиционите банки.
Ова отпуштање ќе биде реализирано според планот на стратешката реорганизација, во рамки на настојувањата банката да ја врати репутацијата по минатогодишниот скандал во врска со наместените каматни стапки Либор.
Банката, која планира на заштеди околу две милијарди евра до 2015 година, ќе се фокусира на активности и географски области во кои има доволно голема конкуретна предност.
Приоритет на идните инвестиции ќе бидат Велика Британија, САД и Африка.
“Барклис е во процес на промени. Сакаме да го промениме она што го правиме и начинот на кој го правиме“, изјавил генералниот директор Ентони Џенкис, кој на таа функција е именуван минатата година, по именување на неговиот претходник Боб Дајмонг поради скандал во врска со Либор каматните стапки.
Оваа банка во јуни минатата година била казнета со 290 милиони фунти за британските и американските регулаторни тела поради местење на меѓубанкарските каматни стапки Либор и Еурибор во период помеѓу 2005 и 2009 година.