Би-Би-Си го суспендираше водителот на емисијата „Top Gear“!

Добивај вести на Viber

После последните во низа несогласувања со продуцентие, водителот на емисијата за автомобилизам „Top Gear“ Џереми Кларксон, е суспендиран од Би-Би-Си.

Портпаролката на телевизијата кратко рекла:

„После несогласувањата со продуцентите,  Џереми Кларксон  е суспендиран и против него е покрената истрага. Никој освен него не е суспендиран. Емисијата „Top Gear“ нема да биде емитувана во неделата. Би-Би-Си во моментов не сака да ја коментира оваа вест“.

Ова е голем комерцијален удар за Би-Би-Си, со оглед на тоа дека „Top Gear“ е една од нивните најгледани емисии. Емисијата е популарна ширум светот и на годишно ниво телевизијата од продажба на права и релами заработува преку 200 милиони евра. Тоа исто така е најгледана емисија на каналот Би-Би-Си-2, која секоја недела ја гледаат преку 5 милиони гледачи. Во време на божиќните празници, емисијата имаше дури 7 милиони гледачи.

Ова не е прв пат Кларксон и Би-Би-Си имат проблем. Тој своевремено ги споредил јапонските автомобили „со луѓето кои имаат израстоци на лице“, а луѓето кои си го одземаат животот ги нарече „себичњаци“.

Минатата година имаше расистички забелешки во текот на една емисија, кога во децка емисија го вметнал зборот „нигер“ (прекар за црнци). Кларксон тогаш претрпел остри критики од уредниците на телевизијата, и продуцентите рекле „дека тоа му е последно предупредување“.

Со оглед на неговиот проблематичен карактер и на неговите многубројни скандали од минатото, јасно е дека единствена причина за опстанокот на Кларксон на телевизијата беше големата гледаност. Иако уште не се знае точната причина за неговата суспендија, нема сомнение дека во средината нешто големо се наоѓа, бидејќи продуцентите не ги пуштаат „низ вода“ чисто така водител на емисија кој секоја недела го гледале помеѓу 5 и 7 милиони гледачи.