Добивај вести на Viber
Денес се навршуваат 22 години од загинувањето на осуммина припадници на македонските безбедносни сили кај Љуботенски бачила. По тој повод градоначалникот на Бутел, Дарко Костовски, на фејсбук напиша дека ќе отстапи место за спомен обележје, откако министерката за одбрана, Славјанка Петровска, истакна дека чекале дозвола за да постават споменик за хероите од Карпалак.
„ Денес се навршуваат 22 години од крвавиот 10 Август 2001 година кога кај месноста Љуботенски бачила осум припадници на македонските безбедносни сили ги даваат своите животи за Македонија. Нема да оставиме нивната жртва да биде залудна, а нивното дело заборавено. Да ја цениме нашата слобода, нашата земја и заветот за Македонија. Да се одолжуваме кон хероите на тој начин што нема да ја заборавиме нивната жртва.
И бидејќи министерката за одбрана Славјанка Петровска јавно посочи дека сеуште чека одобрение од Општина Желино за изградба на споменик за хероите од Карпалак, Општина Бутел и јас како нејзин градоначалник сме подготвени да одстапиме веднаш простор и локација, а министерството и владата да инвестираат во градба на достојно спомен обележје на видно место во општината за паднатите херои од Љуботенски бачила.
Очекуваме одговор. Државата мора да се грижи за своите херои.