БИЗНИСМЕНИТЕ ВОЗНЕМИРЕНИ: Ќе има ли раст на каматите?

Добивај вести на Viber

Бизнисот и аналитичарите со негодување ја примаат веста за можниот раст на каматите. Гувернерот Богов во исцрпно интервју за Радио Слободна Европа смета дека неговата изјава е малку извадена од контекст. „Искуството во Македонија покажува дека секогаш кога има рецесија обично има и притисоци врз макроекономската стабилност. Во таква ситуација, Народната банка, според закон, има обврска да ја одржи ценовната стабилност и стабилноста на банкарскиот систем. Инструментите коишто нам ни стојат на располагање се каматните стапки, задолжителната резерва, макропрудентните мерки. Ние ќе го преземеме она што мора да го преземеме за да ја зачуваме стабилноста во една таква хипотетичка ситуација. Она што беше пренесено, беше пренесено дека гувернерот уште утре ќе ги зголеми каматите, што е сосема различно од она што беше кажано“ вели Гувернерот. Бизнисот, сепак веднаш реагираше. “Ако се случи такво нешто, односно ако се оставарат најавите на НБРМ, очекувам тоа да не биде драстично, или да биде во рамките на некоја поднослива мерка зошто без кредитна поддршка, стопанството тешко ќе може да функционира и сето тоа негативно, би рекол, лошо ќе се одрази врз вкупната економија, врз компаниите“, изјави Митко Алексов од Сојузот на стопански комори апелирајќи за што побрза разрешница на политиката криза. Дел од економистите сметаат дека сигналите на НБРМ треба да се сфатат сериозно, дури и да се во форма на предупредување. “Во оваа фаза мислам дека најавата на гувернерот Димитар Богов дека е можно заострување на монетраната политика е во функција на превентивно делување бидејќи во моментов на девизниот пазар нема значајни притисоци, но што ова е најавенот мислам дека и треба да се очекува дека ќе се случи. Заострената монетрана политика директно ќе влијае врз вкупната економија. Тоа пред се значи дека ќе се зголемат каматите за кредитите, што ќе предизвика намалена кредитна активност. А токму кредитите се клучниот фактор за развој на фимите, па понекогаш дури и значајни за опастанок на компаниите“, вели економистот Благица Петревска. Аналитичарот Бранимир Јовановски во колумна за Фактор вели дека е НОН-СЕНС да се очекува каматите да растат. Од три едноставни причини. Или, ако преферирате академски термини – заради трите варијабли кои влегуваат во оптималното монетарно правило за водење на монетарна политика во економија како македонската, инфлацијата, економскиот раст и девизните резерви. Целата колумна прочитајте ја ТУКА.