BOOKING НАЈАВИ ГОЛЕМИ ПРОМЕНИ: Што значи тоа за вработените и корисниците
Објавено во: Економија 13 Ноември, 2024
Платформата за резервации за сместување Booking.com најави реорганизација на своето работење, сигнализирајќи дека може да има кратење на работните места.
Анализата на бизнисот штотуку започна, а конкретна одлука се уште не е донесена, објавија преку е-маил компанијата, членка на групацијата Букинг холдингс.
- Тоа е тежок, но неопходен проактивен чекор кој треба да ја гарантира агилноста на Booking.com во многу конкурентен сектор и иновации ориентирани кон клиентите - се вели во соопштението.
На крајот на минатата година, Букинг Холдингс вработуваше околу 23.600 луѓе, според годишниот извештај на групацијата, кој не вклучува посебни податоци за Booking.com.
Во петокот, групацијата, во поднесокот американската Комисија за хартии од вредност (SEC) напиша дека ќе даде повеќе детали за временската рамка на реорганизацијата и нејзиното веројатно влијание врз вработените и финансиите „во догледно време“.
- Веруваме дека овие напори ќе ја подобрат ефикасноста на оперативните трошоци, ќе ја подигнат организациската агилност на повисоко ниво и ќе ослободат ресурси за инвестирање во дополнително подобрување на нашата понуда до патниците и партнерите - се вели во поднесокот.
Букинг холдингс додаде дека како дел од реорганизацијата, ќе ги модернизира процесите и системите, како и ќе ги оптимизира набавките.
Во анализата се вклучени само Booking.com, а не и други брендови како Priceline, Agoda, Kayak и OpenTable, истакна портпаролот на компанијата.
Кон крајот на октомври, Букинг холдингс објави дека вкупните оперативни трошоци во третиот квартал биле за 14,3 отсто повисоки од минатата година, достигнувајќи 4,8 милијарди долари.
Вкупните приходи се зголемија за девет отсто на 7,99 милијарди долари. Бројот на ноќевањата е зголемен за 8,1 отсто, на 299 милиони. Растот на приходите следеше по стапката на бруто вредноста на резервациите која достигна 43,4 милијарди долари.
Нето добивката се задржа на минатогодишното ниво и изнесува 2,5 милијарди долари.
Побарувачката во Европа и многу азиски земји за патувања во странство беше стабилна и компензира за послабите резултати во сегментот на домашни патувања во САД и Кина поради послабата лична потрошувачка во услови на макроекономски тешкотии.
фото: Unsplash* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Еден од најважните сектори во рацете Роксана Минзату - која е новата потпретседателка?
Ако планирате патување за одмор, ова може да ви го уништи одморот: Прашајте за превозот во овие три земји
„НАЈГОЛЕМ РАСТ НА СТРАНСКИТЕ ИНВЕСТИЦИИ“ - премиерот најавува „до крај на годината очекуваме да надмине една милијарда евра“
УЈП УТВРДИ НЕПРАВИЛНОСТИ КАЈ 126 КОМПАНИИ: меѓу нив и нерегистрирани фирми, еве ги деталите
„ВЛАДИНИТЕ МЕРКИ НЕ УСПЕВААТ ДА ГО СТАБИЛИЗИРААТ ПАЗАРОТ“: Левица апелира да се воведат мерки кои ќе го подобар стандардот на граѓаните
Функционерите во Црна Гора си ги зголемуваат платите за 30 отсто
Купувањето пелети за греење се враќа во Македонија
Еве како може да знаете дали 600-те производи од „новогодишната кошничка“ ќе бидат навистина намалени
ВМРО-ДПМНЕ: Во раскинатиот договор со „Марковски компани“ подизведувач била фирма на Заеви
