ЧАИР: Специјално противпожарно армиско возило ќе го гаси големиот пожар
Објавено во: Македонија 02 Октомври, 2024
Специјално противпожарно армиско возило ќе го гаси големиот пожар во Чаир.
Пожарот што ноќеска избувна во зграда во скопски Чаир е сè уште активен. Од Центарот за управување со кризи (ЦУК) попладнево информираа дека гасењето на пожарот е отежнато поради големата количина чад и високата температура во подрумите на зградата во кои, како што додаваат оттаму, била складирана поголема количина запаливи материјали. Во гасењето на пожарот ќе се вклучи специјално противпожарно возило на Армијата.