ВМРО-ДПМНЕ побара да не се украсуваат новогодишно археолошките статуи

Добивај вести на Viber

Централна комисија за култура на ВМРО-ДПМНЕ реагираа на одлуката на Археолошкиот музеј на Македонија, како што велат од таму, новогодишно да ги украсува статуите од II и III век од н.е.

Од партиската комисија велат дека на експонатите ќе бидат декорирани со црвени капчиња, еленски рокчиња и шалчиња. 

„Археолошкиот музеј јавно ги понижува и се фали со маскирањето на најубавите и најрепрезентативните статуи од Македонија во дедомразовци и еленчиња. Какво јавно исмевање на нашето културно наследство и историја е ова и зошто? Дали некој ќе одговара што домашните и странските посетители од вторникот можат да се сликаат и исмеваат со нашето културно наследство во нашиот врвен државен музеј? Музејот кој ја претставува цела Македонија! 

Ако ова го направеше кој било обичен човек или се случеше во која било нормална земја, државата ќе го гледаше тоа како врвен вандалски чин и потсмевање на културното наследство. Но не и во Македонија, земја со забранета и цензурирана историја. Јавно прашуваме дали оваа практика ќе продолжи и во иднина и дали тоа ќе можат да го прават сите?“, реагираат од опозициската партија.