„Цветчињата“ од Карпош и го честитаа роденденот на општината

Добивај вести на Viber

Улиците на Карпош, денеска беа преплавени од илјадници весели и насмеани лица.  Дечињата од десетте основни училишта и градинки во Карпош, облечени во прекрасни шарени костими со цветен аранжман, продефилираа низ Општината, со што на специфичен начин и го честитаа 37 роденден на локалната самоуправа. Колоната со младите ,,цветчиња’’ се разлеа по булеварот Партизански Одреди, низ улицата Манапо и се упати кон училишниот двор на ООУ ,,Лазо Трповски’’, симболизирајќи го духот на младоста, иднината и просперитетот на Општина Карпош. На цветното дефиле во разиграна атмосфера, младите карпошани заедно пееја, танцуваа и другаруваа на сцената. На оваа свечена манифестација присуствуваше градоначалникот Стевчо Јакимовски и општинските делегации од Нов Белград, Стари Град – Сараево, Травник и Сремски Карловци, кои се  збратимени општини со локалната самоуправа од Карпош. Во оваа пригода, првиот човек на Општината изјави дека се чувствува прекрасно, бидејќи се наоѓа помеѓу младите ведри лица. „Кога ве гледам заедно, навистина сум горд што сум градоначалник на Карпош. Оваа глетка ни дава уште поголем поттик да продолжиме во насоката во која се движиме. Да ги модернизираме училиштата и градинките, да организираме повеќе културни манифестации, да ги наградуваме талентираните ученици и спортисти и да им помогнеме на вашите родители. Вашата задача е да играте, пеете, да бидете среќни и да се смеете. За сé останато, ќе се погрижат вашите родители и Општината Карпош“,  посочи Јакимовски.