Добивај вести на Viber

Сите молитиви деновиве се упатени за Мартин и тој да биде пронајден жив и здрав.

Иако заврши законскиот рок од 72 час, по молбите од Скопје и министерот Османи, потрагата по момчето на Халкидики ќе продолжи и денес.

Според пишувањето на грчки voria.gr по 31 годишниот Мартин денес ќе се трага со помош на воздушен дрон и куче трагач.

Според информациите на Voria.gr, два воздушни дрона на OFKATH и куче спасител со дресер Марија Арманиду денеска влегуваат во битка за лоцирање на Мартин кој дошол во Грција на одмор. Во исто време ќе продолжат да дејствуваат и пешачките единици на спасувачите.

Капетанијата на пристаништата ги продолжуваат увидите за лоцирање на 31-годишникот на брод, иако го поминал третиот 24-часовен рок што го предвидува законот. Поточно, грчкиот министер за надворешни работи, Никос Дендиас, го увери својот колега од Македонија, Бујар Османи, дека истрагите ќе продолжат, по комуникацијата што ја имале.

Во исто време, братот на Мартин со објава на социјалните мрежи ја пренесува сагата што ја доживува тој и остатокот од семејството .

Меѓу другото, тој се заблагодарува на конзулатот на неговата земја во Солун за координирање на истрагите и на спасувачите на OFKATH за континуираната помош во потрагата на отворено море за лоцирање на неговиот 31-годишен брат.

„Мајка ми, нашето семејство и пријателите сè уште веруваат и се надеваат дека Мартин е жив“, вели братот на 31-годишниот, повикувајќи да продолжи истрагата.

Туристот од Скопје Мартин Јовановски исчезна во саботата попладне на плажата Мити во Посеиди, Халкидики, каде според мештаните, морските струи се многу силни.

foto: Screenshot Fejsbuk , voria.gr