„ДАЛИ СЕ РАБОТИ ЗА ИСТАТА ЛИЧНОСТ“: остра критика кон министерката Јаневска - „не е смешно, туку е трагично“
Објавено во: Македонија 16 Октомври, 2024
- Дали се работи за истата личност
Наставниците и професорите до денес 16-ти се уште немаат земено плата.
И, не е смешно, туку е трагично - ова денеска го објави на Фејсбук, Боби Илиевски, еден од честите критичари на тековните случувања во државава.
За да бидат работите појасни, тој ја пренесе сега актуелната министерка за образование Весна Јаневска, која во периодот додека нејзината матична партија беше опозиција ги критикуваше чекорите на тогашната влада со нагласок дека „е трагично“ зголемувањето на платите на наставниците. Таа нагласуваше дека зголемувањето на платите 15 проценти е трагично, но од денешна преспектива кога актуелното раководство не дозволува раст на платите на образованиот кадар иако им беше ветено, според Илиевски е трагично.
Еве што точно објави:
Илиевски важеше за „наклонет“ кон ставовите на социјалдемократите, но беше дел и од опозициската „Левица“. Без оглед на неговата политичка определба, неговиот статус денеска се пренесува низ повеќе групи на социјалните мрежи, поради апсурднсота која ја истакнува.