РАЗБИЕНА ТЕРОРИСТИЧКА ГРУПА ВО АВСТРИЈА: Ја предводел македонски државјанин
Објавено во: Македонија 16 Октомври, 2024
Maкедонски државјанин водел терористичка група во Австрија.
Тој издржувал петгодишна затворска казна, регрутирал членови и предводел терористичка група. Австриската полиција во Сент Полен ја разби групата предводена од 20-годишник, јавуваат австриските медиуми. Тој во 2023 ја поддржал ИД преку графити што ги цртал близу главната железничка станица во градот. Меѓу приведените е и 15-годишен Австриец со мигрантско потекло. Него го регрутирал македонскиот државјанин. Ова не е првпат македонски државјанин да биде вмешан во терористички активности.
Во август годинава, полицијата во Виена го уапси19-годишниот Беран Алији, со македонско потекло кој планирал напад за време на концертите на американската пејачка Тејлор Свифт. Алији ѝ призна на полицијата дека сакал да убие повеќе луѓе.
Во 2020 година, австриската полиција уби напаѓач кој беше со потекло од тетовското село Челопек.
Германската полиција во 2019 година уапси лице со потекло од Македонија кое спремало напад.
фото: pixabay.com