МЕЏИТИ СЕ СРЕТНА СО БУГАРСКИОТ АМБАСАДОР РАДУКОВ: На кои теми разговараа?
Објавено во: Македонија 16 Октомври, 2024
Вицепремиерот и министер за животна средина и просторно планирање Изет Меџити денеска се сретна со новоименуваниот бугарски амбасадор, Жељаско Радуков.
Тие изразија волја за отворен дијалог, зајакнување на трговската размена, како и протокот на луѓе меѓу двете земји.
Меџити, откако му го честиташе именувањето на новата функција, на бугарскиот амбасадор му посака успешна работа во нашата земја, како и продолжување на соработката во сите области од интерес на двете држави.
Радуков минатиот месец е именуван на оваа позиција, а го наследи долгогодишниот бугарски амбасадор во Скопје, Ангел Ангелов.