ДУИ наместо потписи на Заев му врати забелешки, се спрема нов закон за јазиците

Добивај вести на Viber

Додека Заев чекаше потписи за добивање на мандатот за составување влада, засега доби само повратни белешки на писмените документи кои најверојатно се однесуваат на регулирање на употребата на јазиците на заедниците кои се над 20% во земјава по принципот кој произлегува од Рамковниот договор. 

Се пренесува дека во составувањето на новиот закон со кој албанскиот јазик треба да се изедначи со македонскиот јазик во службена употреба, учествува и Зијадин Села од Алијансата на Албанците со цел да се гарантира дека сите субјекти ќе бидат задоволни со цел да се соберат потребните 61 пратеник. 

“Сите прашања се анализираат. Мислам дека во иднина ќе има конкретен одговор. Овие се прашања кои се разговараат во склоп на партијата, но јас ве уверувам дека таму не се произведуваат атомски бомби. Се разбира дека се дискутираат важни прашања во врска со политичкиот и правниот статус на Албанците во Македонија. Во преговори сме и со другите политички партии бидејќи треба да создадеме заедничко мислење, и со политичките партии. Со Г-дин Села се сретнав и секако, разменивме мислења“ изјави Ахмети.

Шилегов од СДСМ вчера во текот на денот посочи дека ги чекаат потписите од ДУИ, но со ова ново одложување на процесот кој треба да финишира викендов речиси ништо не е сигурно, а самите партии целосно кријат што всушност се преговара, што е прифатено, а што не.