Дуна e добитник на Националната награда за најдобри општествено одговорни практики во 2013

Добивај вести на Viber

Дуна Компјутери е добитник на Националната награда за најдобри општествено одговорни практики во 2013 година во категорија Вложување во заедницата. Оваа награда е доделена за проектот „Ресоцијализација на децата од Воспитно-поправниот дом Тетово”. Националната награда за најдобри општествено одговорни практики ја доделува Министерството за економија на Република Македонија и Координативното тело за општествена одговорност на претпријатијата. Наградата се доделува 8-ма година по ред, а пред две години Дуна го доби јубилејното признание за континуирано спроведување на општествено одговорни практики во период од 2007 - 2011 година. Оваа година Дуна одбележува 20 години од основањето на компанијата, јубилеј кој е придружен од долгорочната ориентираност на Дуна кон врвни IT производи, решенија и услуги. „Дуна е лидер на пазарот со својата широка палета на нови технологии, апликативен софтвер, хардвер и системска интеграција, што е резултат на континуирано инвестирање во истражување и развој, а се со цел да се понудат решенија кои ќе им помогнат на компаниите да го подобрат својот бизнис.  Дуна е предводник во општествената одговорност во Македонија со 8 награди и признанија. Оваа награда доаѓа како силна потврда на активностите на Дуна во текот на годините и е мотив за многу повеќе вакви активности во иднина“, соопштија од компанијата.