Џорџ Робертсон: Бидете амбициозни

Добивај вести на Viber

Поранешниот генерален секретар на НАТО, лорд Џорџ Робертсон, е лидерот на новоформираната неформална „Група Охрид“ за поддршка на Република Македонија на нејзиниот пат кон членство во НАТО и ЕУ.

Робертсон, кој беше десеттиот генерален секретар на НАТО од 1999 до 2004 година, повеќепати ја имаше посетувано Македонија, особено за време на кризата во 2001 година. И беше еден од важните меѓународни дипломати кои помогнаа во решавањето на конфиктотт и постигнувањето на Охридскиот рамковен договор.

Лордот се согласува со неговиот наследник Јенс Столтенберг, кој веќе порача дека нема влез во НАТО без решен спор со Грција за името.

– Генералниот секретар на НАТО изнесе факт. Принципот на кој почива НАТО е дека нуту една одлука не се носи без конензус. Ако нема консензус вашата земја не може да се приклучи кон НАТО, тоа е суштински факт. Нема начин да се влезе во НАТО без да биде постигнат консензус - изјави Робертсон.

Тој вели дека на евентуалниот договор со Грција треба да сство.е гледа како на чин на патриотизам, а не на предавство.

- Вистинскиот патриотизам за вашата земја е да се направи она што е најдобро за идните генерации. Тоа значи да се отстранат препреките за напредок и раст. Вистински патриотски партии тука се оние кои веруваат во раст на економијата, во подобрување на односите со соседите, кои праваат компромиси за да се постигне баланс во економијата и во општеството, да се изгради општество заснова на вистински вредности. Тоа се слободата на говорот, слободни медиуми, владеење на правото, почитување на приватната сопственост. Тоа се вредности, кои ние на Западот ги почитуваме. Вистинските патриоти во оваа земја се оние кои гледаат долгорочно. Понекогаш мораме да ги турнеме екстремите настрана и да ги сместиме на задното седиште, да мислиме на младите, на идните генерации. Мојата последна посета како генерал секретар на НАТО беше во 2003 година, тогаш го посетив селото Теарце. Децата, кои таму не пречекаа не знаеја кои сме, имаше хеликоптери, ТВ камери. Тие беа живи, ако работите тргнеа во поинаква насока тие можеше да бидат мртви, ранети или да станат бегалци. Тогаш компромисите беа направени, екстремите беа замолчени, мирот беше постигнат и благодарение на тоа овие деца денес се возрасни личности - вели тој.

На почетокот од интервјуто вели дека многу работи се променети во Македонија од завршувањето на кризата во 2001-ва до денес.

– Разликата е како ноќ и ден. Во 2001 година имаше сериозна криза, прашање на живот и смрт. Земјата беше на работ на мошне крвав конфликт, кој можеше да се прошири, имаше голем број надворешни агенции кои реагираа и беше важно да се запре. Тоа беше многу проблематично време. Денес сум во модерен, европски град, со пријателски расположени луѓе, со кафулиња, продавници, што непречено работат. Сега ситуацијата е многу поинаква - смета Робертсон.