,,Фaком” оствари двојно поголем приход од лани
Објавено во: Економија 07 Август, 2015
Компанијата „Фaком“ го зголеми приходот за 108,85 % во споредба со минатата година. Во период од шест месеци, фирмата оствари вкупни приходи од 667,1 милиони денари.
Од Копманијата велат дека повисоките приходи се резултат на зголемениот обем на производство.
„Компанијата заклучно со 30.06.2015 искажа позитивен финансиски резултат од 3.523.000 денари како резултат на зголемен физички обем на производство. ,,Фиком” а.д. Скопје, и во овој период од 2015 година како извозно ориентирана компанија, продолжи да го следи трендот во металопреработувачката индустрија во развиените земји за инвестирање во високо софистицирана опрема и машини во насока на потесна специјализација и да го задржи неопходното ниво на широк спектар на услуги со значителен удел на мануелен труд, заради одржување на домашните индустриски и енергетски капацитети.” – соопшти компанијата.
Истовремено, покрај растот на приходите, фирмата ги зголемила и расходите за 86,63 отсто во споредба со истиот период минатата година.