Фактор анализа ПОЛОГ 2024: Како бизнисмените од руралните општини им држат лекции на стопанствениците од Тетово и Гостивар!

Добивај вести на Viber

Полог е синоним за претприемачи, вредни луѓе со силна приватна иницијатива, со „њух за бизнис“. И со голем предизвик да покажат дека се поуспешни од градските. Полог, во една реченица, е пример за тоа дека во Македонија може да се води голем бизнис и од село. Полог е исклучок од правилото што важи во Македонија дека градот го уби селото. За тоа колку е силна приватната иницијатива во комбинација со локал-патриотизмот во Полог покажува фактот што дури најголемите четири компании според приходите се стационираи во селски општини

Полог е најсеверната котлина во Македонија која има два клучни атрибути по кои се разликува од сите други. Првиот е демографски и произлегува од најгустата населеност во споредба со сите други региони и најбројна дијаспора.

Втората е таа што Полог е наголем бизнис инкубатор со најголем број претприемачи од кои значаен дел се веќе успешни и големи бизниси. Со еден збор Полог, неговите два големи града Тетово и Гостивар и бројните населени места се царство на приватната иницијатива. Токму таа исклучително висока култура за водење сопствен приватен бизнис произлегува од тоа што овој регион со децении наназад има бројни иселеници во западноевропските земји и во САД.

Статистички Полог има околу 300.000 жители на хартија, но заради големата економска миграција реалниот број на постојани жители е помал. Особена економска активност во котлината има во летните месеци кога традиционално се прават гастарбајтерските свадби. Полог е поставен по течнието на Вардар и неговата просторна површина е 400 квадратни километри.

Полог е познат како регион со многу плодна земја, развиено приватно организирано земјоделство, многу богат со вода затоа што тука извира и тече најголемата македонска река Вардар и што е најважно со вредни и работливи луѓе кои се докажани претприемачи и големи стопанственици.

Кои се најголемите приватни бизниси во Полог?