ФАКТОР НА ДЕНОТ: Македонците од Израел ќе се евакуираат со „Ер Србија“

Добивај вести на Viber

МАКЕДОНЦИТЕ СО ПОМОШ НА „ЕР СРБИЈА“ ЌЕ СЕ ЕВАКУИРААТ ОД ИЗРАЕЛ

Обезбеден е бесплатен авионски превоз за евакуација на македонските државјани од Израел, на релација Тел Авив – Скопје, соопштија од Владата. 

Во согласност со одлуката која ја донесе Владата на Република Северна Македонија, организиран е авионски превоз со чартер лет, на релација Тел Авив - Скопје, заради евакуација на сите државјани на Република Северна Македонија кои сакаат да го напуштат Израел, и кои побарале да се вратат во Северна Македонија. 

„Во услови на целосно откажани летови и блокиран авио транспорт со Израел, предизвикот за организирање на овој чартер лет е надминат преку соработка со „Air Serbia“ за транспорт на граѓаните кои побарале помош. Авионскиот превоз кој ќе биде организиран во текот на утрешниот ден, ќе биде бесплатен за граѓаните кои побарале помош, и ќе биде покриен од резервите на Буџетот на Република Северна Македонија. Во насока на ефикасна организација на авионскиот превоз, Министерството за надворешни работи, преку Дипломатско-конзуларното претставништво - Тел Авив обезбеди список и информации за македонските државјани кои се наоѓаат во Израел и кои побарале помош да се вратат во Република Северна Македонија“, велат од Владата. 

ЈАНКУЛОСКА НАСКОРО ИЗЛЕГУВА ОД ЗАТВОР

Екс министерката за внатрешни работи, Гордана Јанкулоска по три години поминати во затворот Идризово наскоро ќе биде на слобода.  Апелациониот суд Скопје на седница одржана на 4 месецов, ја прифати молбата за условен отпуст на Јанкулоска, со што се отвори патот таа на 1 ноември да го напушти најголемиот затвор во земјата. Условот е до истекот на условниот отпуст, 28.09.2024 година, да не стори ново кривично дело. 

ДО КРАЈОТ НА 2023 ГОДИНА ОКОЛУ 510.000 ГРАЃАНИ ЌЕ ЖИВЕАТ ВО УМЕРЕНА СИРОМАШТИЈА

Економскиот аналитичар Јовановиќ, презентирајќи ја студијата истакна дека екстремната сиромаштија во 2022 година пораснала за околу 14 илјади лица, за 2023 година во најдобриот случај минимално ќе се намали, а во најлош случај ќе порасне за дополнителни 14 илјади лица. Тој посочи дека умерената сиромаштија во 2022 година пораснала за 56 илјади лица, за 2023 година во најдобриот случај ќе порасне за нови 21 илјада, а во најлош за 101 илјади граѓани. 

ГРОЗОМОРНИ ЗЛОСТОРСТВА ВО ИЗРАЕЛ

Израелските власти објавија вознемирувачки фотографии од изгорени бебиња. Тврдат дека милитантите од Хамас ги запалиле бебињата. 

„Хамас е нехуман. Хамас е ИСИС“, соопштија од канцеларијата на израелскиот премиер Бенјамин Нетанјаху во објавата на социјалната мрежа Х (поранешен Твитер).

Фотографиите се крајно вознемирувачки и се наоѓаат на следниот линк.

ЧИТАЈТЕ УШТЕ

Официјалната статистика, достапна во базата на Централната банка, покажува дека војната во Израел и можната ескалација на најкрвавиот судир на оваа држава со соседите од Блискиот Исток нема ниту може да има никакво влијаение врз македонската економија.

Откако остана доминантен газда на кичевската „Жото Караорман“, Селаудин Арифи веројатно сега решава да се ослободи од деловите од таа компанија кои не се нејзин кор бизнис, односно млинско-преработувачката дејност.

Виктор Андонов. советникот за енергетика во кабинетот на актуелниот премиер Димитар Ковачевски, како и на поранешниот Зоран Заев, ненадејно е назначен за директор за развој и инвестиции на АД ЕСМ. Одлуката е донесена на 9 октомври, а Андонов доаѓа на местото на Благој Гајдарџиски.

Мечките им влеаја страв на жителите на одредени села во западниот дел на државата. Тие се појавуваат во населените места и претставуваат опасност.

Менопаузата е неизбежен период од животот на секоја жена, период кога настануваат низа психолошки и телесни промени. Жената се соочува со зголемување на телесната тежина, несоница, нервоза, необјасниви промени во расположението, повремено отсуство на менструација.