ФАКТОР НА ДЕНОТ: Поради пожари попречен е сообраќајот на автопатот Скопје - Куманово
Објавено во: Македонија 17 Јули, 2025 21:28
ПОЖАРИ ВО КУМАНОВСКО И СКОПСКО
Пожар ја зафати црквата во скопското село Мршевци.
Локалното население се екипира за да помогне во гаснењето на пожарот.
Од ЦУК информираа дека поради ветер во Општина Куманово и Град Скопје на повеќе локации од искрење на жици предизвикани се пожари.
Во Општина Куманово и Општина Старо Нагоричане има пожари во с.Романовце, Агино Село, Табановце, Шупњи Камен, Младо Нагоричане, Стрновац. Во Скопскиот регион се пријавени пожари помеѓу Индустриска Зона Бунарџик и рафинерија Окта.Министерството за внатрешни работи ги известува граѓаните дека поради пожар кој настана попладнево, затворен за сообраќај е автопатот од наплатната рампа Миладиновци до клучка Бунарџик, во двата правци. Возилата се пренасочуваат кон Петровец.
Од МВР апелираат до граѓаните да не се упатуваат кон овој дел од автопатот се додека не се создадат услови за повторно пуштање на сообраќајот.
МИЦКОСКИ НАЈАВИ НОВО ЗГОЛЕМУВАЊЕ НА ПЕНЗИИТЕ
Премиерот Христијан Мицкоски во гостување во „Само Интервју“ на телевизија Канал 5, се осврна на барањата од страна на пензионерите околу прашањето за линеарното зголемување на пензиите, најавувајќи ново зголемување во следните 6 месеци.
Премиерот Мицкоски кажа дека се прават анализи за линеарно зголемување на пензиите и тоа 1.000 денари оваа есен и 1.000 на пролет, т.е. дополнителни 2.000 денари линеарно зголемување за сите пензионери во наредните шест месеци.
НАМЕСТО НА СУДЕЊЕ, ШТЕКЛИ ЗАВРШИ ВО БОЛНИЦА
Раде Трајковски-Штекли наместо на почеток на судењето, денес завршил во болница. Ова го соопшти судијата Илија Трпоков.
Денес требаше да започне судскиот процес за уште девет обвинети за трговија со дрога и неизвесно е дали ќе се одржи.
Судоит добил известување од затворот „Скопје” дека Трајковски е хоспитализиран на Клиниката за неврологија поради здравствени проблеми.ЧИТАЈТЕ УШТЕ
Во зима дишеме загаден воздух, но и во лето додека траат пожарите, квалитетот на воздухот не е идеален на местата каде има огнена стихија. Сепак, загадувањето на воздухот во лето е далеку помало од тоа во зима.По подолго време, нова фирма го запоседна првото место на листата на најголеми должници кон Управата за јавни приходи и тоа со „рапиден“ скок на табелата, а поврзана е со аферата „Крмзов“.
Стопанска банка АД Скопје, останува без генералниот директор за управување со ризици, Бојан Стојаноски. Тој беше член и на Управниот одбор на банката.
Собранието потпиша договор за хотелско сместување, за што во една година ќе потроши 52.660 евра. Тендерот го потпиша собранискиот спикер Африм Гаши во мај годинава, а најнизок понудувач била една од најпознатите македонски туристички агенции, фирмата Фибула Ер Травел од Скопје.
Член на надзорниот одбор што треба да ги контролира директорите на М-НАВ бил член на комисијата која одлучувала за вработувањата на повторениот оглас, на кој биле вработени Ивана Југ, сопруга на починатиот Игор Југ кој беше осуден за упадот во Собранието на 27 април, како и Атанас Стамнов, сопруг на директорката на Централниот регистар, Анита Стамнова, и потпретседателот на Унијата на млади сили на ВМРО-ДПМНЕ Филип Ѓорѓиев, потврдуваат за Фактор извори од М-НАВ.
Студенти кои не се постари од 29 години и имаат запишани студии во учебната 2025/2026 година на државен или приватен факултет имаат право на вредносен ваучер за купување лаптоп или компјутер. Ваучерите по лице ќе изнесуваат 15.300 денари, а во план е да бидат издадени 55 илјади ваучери. Вкупно за ваучерите државата ќе потроши 850 милиони денари, или неполни 14 милиони евра.
Можеби ќе ве интересира
Двајца затаиле данок од над еден милион евра од трговија со злато и накит, обвинителството бара притвор
Пријава од полиција: Кандидат за градоначалник давал по 1.000 денари за да се гласа за него
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
Надминат прагот на загадување во Центар, Гази Баба, Карпош, Лисиче и Ректорат, објавени мерки и препораки
Обвинителството со детали за предметот против Дардишта: Направиле злосторничко здружение, поведена истрага против 33 лица
СДСМ: ДПМНЕ–ЗНАМ со неуставна Резолуција сакаат да забранат дебата за вистината
Притвор за ексдиректорот на Управата за матични книги и уште шест други лица
